Gostivar: Biçiklisti përfundon në spital, përplaset nga vetura

Gostivari

Gostivar: Biçiklisti përfundon në spital, përplaset nga vetura

Më: 9 qershor 2022 Në ora: 14:26
Foto ilustrim

Një aksident ka ndodhur gjatë ditës së djeshme në qytetin e Gostivarit ku një shofer ka përplasur me veturë një biçiklist.

“Më datë 08 Qershor 2022 në ora 10.00 në Sektorin për Punë të Brendshme – Gostivar është raportuar se në rrugën “Beliçica” në Gostivar automjeti i udhëtarëve i tipit “Opel Astra” me tabela të Gostivarit i drejtuar nga shoferi me iniciale G.S (52 vjeçar) nga Gostivari ka përplasur një person me iniciale L.M, (46 vjeçar) i cili ka qenë duke drejtuar biçikletë”, njoftuan nga MPB.

Në aksident lëndime të rënda trupore ka marrë personi me iniciale L.M, lëndime këto të konstatuara në Qendrën Mjekësore në Gostivar.

Policia ka kryer kontroll në vendin e ngjarjes dhe është bërë dokumentimi i plotë i rastit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat