Përmes një ceremonie solemne të mbajtur në sallën e Këshillit Komunal u zyrtarizua akti i binjakëzimit të Komunës së Gostivarit dhe Komunës Ejup të Stambollit. Akti i nënshkrimit u bë nga krerët z. Nevzat Bejta dhe z. Remzi Ajdin.
Para të pranishmëve kryetari i Komunës së Gostivarit, z. Nevzat Bejta potencoi që: “Me Komunën e Ejupit kemi pasur bashkëpunim të vazhdueshëm dhe ishte e natyrshme që të iniciojmë binjakëzimin mes dy Komunave”.
“Shfrytëzoj rastin ta falënderoj për mikpritjen e përzemërt Kryetari i Komunës së Ejupit, z. Remzi Ajdin gjatë vizitës sime në Turqi. Sot nënshkruam memorandumin për binjakëzimin e Komunës së Gostivarit dhe Komunës Ejup të Stambollit. Me këtë Komunë kemi bashkëpunim shumë të mirë. Tani e disa vite organizojmë iftarin e përbashkët në qytetin e Gostivarit. Një arsye tjetër për binjakëzimin e dy komunave tona është se shumë banorë të Komunës së Gostivarit dhe Komunës Ejup janë në raporte familjare dhe miqësore”, tha kryetari Bejta, i cili vuri në dukje që bashkëpunimi në të ardhmen do të fokusohet në shumë drejtime, siç është aspejti ekonomik, kulturor, sportiv dhe infrastrukturor.
Në këtë drejtm, Bejta tha që: “Kemi biseduar për shumë projekte dhe besoj që shumë shpejt do të fillon realizimi i kanalizimit për ujërat fekale në fshatin Banjicë”.
“Komuna Ejup do të financon sigurimin e pajisjeve kurse Komuna e Gostivarit do të kryen realizimin e punimeve në terren. Uroj që ky bashkëpunim të vazhdon edhe në të ardhmen dhe të jetë në dobi të qytetarëve tanë”, përfundoi Bejta.
Kryetari i Komunës Ejup, z. Remzi Ajdin u shpreh që akti i binjakëzimit do të forcon lidhjet mes dy Komunave dhe banorëve, duke shtuar që në Komunën Ejup jetojnë shumë banorë me prejardhje nga Gostivari dhe rrethina.