Këshilli rinor dhe nxënësit e mjekësisë, shënuan Ditën e shëndetësisë - Bota Sot
Këshilli rinor dhe nxënësit e mjekësisë, shënuan Ditën e shëndetësisë

Gostivari

E martë, 23 tetor 2018

Këshilli rinor dhe nxënësit e mjekësisë, shënuan Ditën e shëndetësisë

Më: 6 prill 2018 Në ora: 14:28
Këshilli Rinor i komunës së Gostivarit organizoi kontrolle dhe konsultime falas për shëndetin.

Këshilli Rinor i komunës së Gostivarit, me rastin e 7 Prillit – Ditës ndërkombëtare të shëndetësisë, në sheshin e qytetit, organizoi sot kontrolle dhe konsultime falas për shëndetin.

Bartës i aktivitetit ishte Departamenti i shëndetësisë pranë Këshillit Rinor, ndërsa aktiviteti u realizua në bashkëpunim me nxënësit e Shkollës së mesme të mjekësisë dhe me përkrahje të Komunës së Gostivarit.

“Me rastin e Ditës së shëndetësisë, e organizojmë këtë aktivitet ku ofrojmë matjen e shtypjes së gjakut dhe nivelit të glukozës në gjak, si dhe ofrojmë këshilla mjekësore falas për kalimtarët e rastit. E gjithë kjo bëhet me qëllim të ndërgjegjësimit të popullatës për kontrolle të rregullta dhe për të reaguar në mënyrë preventive për çrregullimet në shëndet”, sqaroi Miran Ismaili udhëheqës i Departamentit për shëndetësi pranë Këshillit rinor të komunës së Gostivarit.

Për të promovuar të ushqyerit dhe mënyrën e shëndetshme të të jetuarit, organizatorët me duhanpirësit shkëmbenin cigare për mollë.

Shfaq komentet
comments powered by Disqus
Sot mund të lexoni Shfletoni kopertinat
Sondazh
test