I rikthehen kompetencat arsimore Komunës së Gostivarit - Bota Sot
I rikthehen kompetencat arsimore Komunës së Gostivarit

Gostivari

I rikthehen kompetencat arsimore Komunës së Gostivarit

Më: 23 nëntor 2018 Në ora: 16:20
Komuna e Gostivarit

Ingerencat në sferën e arsimit që ju morën kryetarit të Komunës së Gostivarit, i janë kthyer pushtetit lokal. Nga Komuna e Gostivarit thanë se do të shqyrtohen parregullsitë që janë bërë në ndërkohë.

“Ingerencat në pjesën e emërimit dhe shkarkimit të drejtorëve të shkollave pas nëntë muajve, përsëri janë në duart e Komunës së Gostivarit. Pas marrjes së ingerencave janë emëruar drejtorë të rinj nga Ministria e Arsimit, ndërsa në fillimin e vitit shkollor 2018/2019 një numri të mësuesve nuk u janë vazhduar kontratat, ndërsa i kanë përmbushur kushtet për punë. Në ndërkohë kemi marrë shumë ankesa dhe për shkak të kësaj kemi urdhëruar iniciativa për kryerjen e kontrolleve të jashtëzakonshme nga Inspektorati Shtetëror i Arsimit dhe Inspektorati Shtetëror i Punës”, tha Aslijan Snopçe, nga Sektori për Arsim në Komunën e Gostivarit.

Ajo shtoi se nga Inspektorati kanë marrë njoftim se kanë konstatuar parregullsi në punën e drejtorëve që janë emëruar nga Ministria e Arsimit.

Në pyetjen e gazetarëve se a do të ketë ndryshime në udhëheqësinë e institucioneve arsimore, ajo tha se në periudhën e ardhshme do të konsiderohen këto opsione, por nuk dha afate.

Shfaq komentet
comments powered by Disqus
Më të lexuarat
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...