300 mijë euro për Federatën e Hendbollit

Hendboll

300 mijë euro për Federatën e Hendbollit

Më: 20 dhjetor 2018 Në ora: 17:05
300 mijë euro për Federatën e Hendbollin

Federata e Hendbollit të Kosovës (FHK) ka kremtuar sot 65-vjetorin e themelimit, e me këtë rast ka marrë edhe një premtim për rritjen e buxhetit nga kryeministri Ramush Haradinaj.

Ky i fundit tha se qeveria iu gëzohet sukseseve të kësaj federate që po zhvillon sportin e hendbollit në Kosovë, e me këtë rast njoftoi se buxheti i Qeverisë dedikuar FHK-së do të rritet në vitin e ardhshëm në 300 mijë euro.

“Në vitin 2019, buxheti besoj do të shkojë deri në 300 mijë euro që ia ka ndarë Qeveria Federatës së Hendbollit. Në vitin 2018 ka qenë 230 mijë euro, pra do të shkojë deri në 300 mijë. Synimi i qeverisë është që të rritë përkrahjen në kategorinë e subvencioneve, investimeve kapitale, ku tri vitet e fundit ka rritje, që shkon deri në 50 për qind të rritjes së buxhetit për sport”, ka thënë Haradinaj.

Edhe ministri i Kulturës, Rinisë dhe Sportit, Kujtim Gashi, konfirmoi rritjen e buxhetit për FHK-në, duke thënë se viti që po lëmë pas ka qenë i suksesshëm për sportin në Kosovë.

Sot mund të lexoni Shfletoni kopertinat