Emocione të mëdha, lot e vaj për legjendën e hendbollit të Kosovës, Skënder Sahitin i cili ndërroi jetë dje në moshën 63 -vjeçare pas një sëmundje të rëndë. Ish portierit të mirënjohur iu dha sot lamtumira për banesën e fundit në fshatin Papaz të Ferizajt, ku morën pjesë shumë qytetarë dhe figurat e ndryshme të jetës politike, sportive dhe kulturore.
Në mbledhjen komemorative në Ferizaj, biri i të ndjerit, Skënder Sahitit, Dion Sahiti falënderoi të gjithë të pranishmit për pjesëmarrjen, duke thënë se amaneti i prindit të tij do të mbahet mend gjatë në memorien kolektive dhe suksesshëm do t’i prijë zhvillimit të sportit.