Vjosa e Shtimes synon që ta sigurojë ekzistencën në Superligën e Kosovës në hendboll. Shtimjanet kanë lojtare të reja dhe të papërvojë, shkak i kësaj nuk arritën rezultate të mira në stinorin vjeshtor, nga 9 ndeshje kanë po aq humbje dhe janë në fund të renditjes me 0 pikë.
KHF Vjosa përforcohet me portieren me përvojë të Kastriotit nga Ferizaj, Blerta Tërpeza. “Kam firmos për 6 muaj me Vjosën! Synimet janë që ta sigurojmë ekzistencën. Besoj se do të përgatitem sa më mirë për pjesën e dytë të kampionatit”, tha Tërpeza për gazetën kombëtare “Bota sot”.