Gëzohen trajnerët e Kosovës - Bota Sot
Gëzohen trajnerët e Kosovës

Hendboll

Gëzohen trajnerët e Kosovës

Më: 26 maj 2019 Në ora: 17:35
Gëzohen trajnerët e Kosovës

Të dielen është mbajtur ceremonia e ndarjes së diplomave për gjeneratën e parë të trajnerëve që janë shkolluar në Kosovë sipas RINCK Konventës. Të shtunën e të dielen në Gjakovë është mbajtur pjesa e katërt e Modulit III, që ishte edhe e fundit e këtij shkollimi të zhvilluar për disa muaj rresht. Për trajnerët e Kosovës kanë ligjëruar ekspertë të hendbollit nga Sllovenia e Kroacia, ndërsa shkollimi sipas RINCK Konventës bëhet në përkrahje të plotë të Federatës së Hendbollit të Kosovës. 
Përgjegjësit nga Shoqata e Trajnerëve të Hendbollit të Kosovës, por edhe trajnerët e shkollur, kanë vlerësuar shumë lart punën e bërë gjatë këtyre muajve. Në pjesën e fundit të shkollimit të gjeneratës së parë ligjëruan ekspertja Marta Bon dhe trajneri i reprezentacionit të Sllovenisë, Aljaz Pavliq. 
Diplomat për trajnerët që ndjekën shkollimin i ka ndarë Izet Gjinovci, sekretar i përgjithshëm i Federatës së Hendbollit të Kosovës. Diplomat në një ceremoni të bukur janë ndarë për 25 trajnerë.
RINCK Konventa është platformë shkollimi e Federatës Evropiane të Hendbollit. Gëzohen trajnerët e Kosovës.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...