Dedaj: Besoj dhe shpresoj që me ndihmën e publikut - Bota Sot
Dedaj: Besoj dhe shpresoj që me ndihmën e publikut

Hendboll

Dedaj: Besoj dhe shpresoj që me ndihmën e publikut

Më: 11 qershor 2019 Në ora: 11:00
Dedaj: Besoj dhe shpresoj që me ndihmën e publikut

Në fitoren historike të muajit prill ndaj Izraelit, kapiteni i Kombëtares së Kosovës, Valon Dedaj ishte i pandalshëm duke shënuar plot 10 gola. Prej Dedajt lojë e mirë pritet edhe të mërkurën nga ora 20.00 kur Kosova luan ndeshje tjetër të rëndësishme me Poloninë. Kjo ndeshje luhet në Pallatin e Rinisë dhe Sportit në Prishtinë.
Kombëtarja jonë prej të premtes po punon intenzivisht për ndeshjen me Poloninë e poashtu për atë me Gjermaninë që luhet më 16 qershor në Nurnberg. Me ndeshjen me Gjermaninë përfundon për kombëtaren tonë faza e dytë kualifikuese për “Euro 2020”.
Por te Kosova janë të koncentruar që fillimisht të paraqiten mirë me Poloninë, ndërsa kapiten Dedaj vlerëson se përkrahja e shikuesve do të ishte me vlerë të madhe.
“Jemi duke u përgatitur shumë për këto dy ndeshjet e mbetura. Ekipi është kompletuar dhe të gjithë jemi në formën e duhur. Do të japim maksimumin në të dy ndeshjet. Të mërkurën e presim Poloninë, ku besoj dhe shpresoj që me ndihmën e publikut do të arrijmë rezultat pozitiv. Ndaj Gjermanisë më pas do të mundohemi të kemi paraqitje dinjitoze dhe të japim më të mirën”, ka theksuar Valon Dedaj.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...