KHF Istogu mëson kundërshtarët e mundshëm - Bota Sot
KHF Istogu mëson kundërshtarët e mundshëm

Hendboll

KHF Istogu mëson kundërshtarët e mundshëm

Më: 10 korrik 2019 Në ora: 10:28
KHF Istogu mëson kundërshtarët e mundshëm

Federata Evropiane e Hendbollit (EHF) ka bërë të ditur emrat e skuadrave që do të paraqiten në edicionin 2019\2020 të Kupës së EHF-së (EHF Cup) në konkurrencë të femrave.

Kosovën në këtë garë e përfaqëson kampioni, KHF Istogu, që ndeshjet e para i luan menjëherë në shtator. KHF Istogu paraqitet në raundin e parë kualifikues, ndeshjet e të cilit raund janë më 7\8 dhe 14\15 shtator. Shorti do të tërhiqet më 16 korrik.

KHF Istogu është i dyti në listën e klubeve jo bartëse për short. Kështu kundërshtarë të mundshëm të Istogut janë skuadrat bartëse në short si: SCM Craiova (Rumani), Astrakhanochka (Rusi), Bayer 04-Werkeselfen (Gjermani), Besancon (Francë), Slavia Praha (Çeki), Gomel (Bjellorusi), Super Amara Bera Bera (Spanjë), Metraco Zaglebie Lubin (Poloni), Bruhl (Zvicër), Muratpasa (Turqi), Skuru (Suedi), WAT Atzgersdorf (Austri), IUVENTA Michalovce (Sllovaki), Azeryol (Azerbajxhan), Quintus (Holandë). 
Pra bëhet fjalë për skuara shumë cilësore, por te Istogu shpresojnë që të kenë fat në short dhe të evitojnë klubet më të mëdha. 
Istogu ka përvojë dyvjeçare në Kupën Sfiduese. Në Kupën e EHF-së garon për herë të parë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...