Ish selektori i kombëtares së Kosovës në hendboll (meshkujt), Alfred Llazari, shpreson se Kosova U-21 do të ketë paraqitje të mira në Kampionatin Botëror në Spanjë (meshkujt) dhe Kosova U-19 (femrat) në Kampionatin Evropian, Divizioni B që mbahet nga 15 korriku në Lituani.
“Rrugë të mbarë vajzave për Lituani në Kampionatin Evropian. Po ashtu suksese, shëndet dhe të arrijnë rezultatet e dëshiruara e pa lëndime.
Djemve U-21 ,si dhe stafit i dëshiroj suksese të pritura apo t’i realizohen ato që i kanë planifikuar.
Shpresoj se këtyre dy kombëtareve t’i bashkohen edhe lojtari i tetë, më i rëndësishmi – fati”, thotë Llazari për gazetën kombëtare “Bota sot”.
