Fillimi shumë i keq - Bota Sot
Fillimi shumë i keq

Hendboll

Fillimi shumë i keq

Më: 6 gusht 2019 Në ora: 10:22
Fillimi shumë i keq

Fillimi shumë i keq i ndeshjes i ka kushtuar Kombëtares U17 të Kosovës në hendboll (femrat). Në kuadër të kampionatit evropian, Divizioni B, që po mbahet në Itali, Kombëtarja jonë të hënën humbi nga Izraeli me rezultat 25:18. Pas pjesës së parë rezultati ishte 13:7 për izraelitet.

Ato krijuan epërsi prej 9:0 në fillim të ndeshjes duke shfrytëzuar mungesën e koncentrimit në kombëtaren tonë. Më pas vajzat tona u kthyen në lojë, ishin të barabarta e në momente edhe më të mira, por nuk ia dolën të shkrijnë rezultatin e lartë të fillimit të ndeshjes.

Më 8 gusht kombëtarja jonë e luan ndeshjen e fundit në grup, ndaj Islandës. Më pas i ka edhe ndeshjet për plasman përfundimtar. Ky evropian i shërben kombëtares tonë për të fituar përvojë dhe për komponim. Është hera e parë që ky grup vajzash luan së bashku. 

Kosova – Izraeli 18:25 (7:13)
Kosova: F. Ferizaj, Lajçi 8, M. Mulaj, Maloku, E. Mulaj 1, Devçe 1, Istrefi 1, Nivokazi 3, Kurteshi, Salihu 4, Mollakdrija, E. Ferizaj, L. Ferizaj, Berisha.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...