Sfida interesante - Bota Sot
Sfida interesante

Hendboll

Sfida interesante

Më: 6 mars 2020 Në ora: 10:57
Sfida interesante

Ndeshja Vushtrria – Prizreni e hap javën e 18-të të Superligës së Kosovës në hendboll (meshkujt). Është kjo java e fundit e stinorit të rregullt. Më pas Superliga ndahet në Superligën A, ku gjashtë skuadrat e para luftojnë për titull të kampionit, dhe në Superligën B, ku katër skuadrat e fundit luftojnë për të mbetur në elitë.

Ndeshja Vushtrria – Prizreni zhvillohet të premten (sot) në palestrën “Jeton Tërstena – Tota” në Vushtrri, nga ora 20:00.
Katër ndeshjet tjera janë të shtunën, ndërsa derbi zhvillohet në Mitrovicë në mes të Trepçës dhe Prishtinës. Kjo ndeshje fillon në ora 19:00, ndërsa shpresohet se do të ofroj hendboll cilësor dhe rivalitet sportiv. Trepça është e treta me 26 pikë, kurse Prishtina e dyta me 30 pikë.

Ndeshje interesante shpresohet se do të jetë edhe ajo që luhet në Ferizaj në mes të Kastriotit dhe kampionit, Besa Famgas. Edhe kjo ndeshje është të shtunën nga ora 19:00. Besa udhëheq në tabelë me 34 pikë. I ka fituar 17 ndeshjet e deritashme. Kastrioti është i katërti me 22 pikë.

Të shtunën nga ora 17:30 është takimi Vëllaznimi – Drenica, ndërsa prej orës 19:30 takohen Drita e Llapi.

Shfaq komentet
comments powered by Disqus
Sot mund të lexoni Shfletoni kopertinat