Klubi i hendbollit Istogu, kampione në fuqi dhe lidere e Superligës së Kosovës (femrat), ka dal me një komunikatë në lidhje me vazhdimin e garave.
“Presidenti i FHK-së, z. Eugen Saraqini nëpërmjet një deklaratë për media, paralajmëroj rifillimin e kampionatit.
Federata e hendbollit e Kosovës planifikon që në fillim të muajit qershor të rifilloj garat në hendboll në të dyja konkurrencat.
Sido që të jetë brengosëse është fakti që klubet e hendbollit në vendin tonë ende nuk kanë asnjë lloj përkrahje financiare, të ndihmohen në perballimin e pandemisë, apo lehtësimin e riorganizimit për të rifilluar garat, kjo përkrahje ende nuk ka ardhur as nga ministria për sport e Republikës së Kosovës, as nga disa drejtori komunale për sport nëpër komuna, andaj shpresojmë që kjo të ndodh sa më shpejt, në të kundërtën ky rikthim pritet të jetë i vështirë ndoshta edhe i pamundur për shumicën e klubeve ne vend.
KHF Istogu inkurajon hendbollistet që të vazhdojnë ti zbatojnë rekomandimet e institucioneve shëndetësore, të ruajnë shëndetin e tyre e të familjeve te tyre, neve shpresojmë që të kemi mbështetjen e duhur, e të kemi mundësinë te jemi pranë jush.
Nga vështirësitë vjen lehtësimi, dita kur do të jemi bashk po afron, ne do të jemi prapë si një familje e vetme drejt synimeve tona të përhershme, Kosova jonë dhe qyteti ynë i bukur prapë do të jenë krenar për neve, së bashku do t'ju gëzohemi sukseseve të reja.
Zoti i bekoftë dhe i ruajt hendbollistet tona dhe gjithë qytetarët tanë kudo që janë”, reagon KHF Istogu.
