Sekretari i përgjithshëm i Federatës së Hendbollit të Kosovës, Izet Gjinovci, mburret me ish hendbollistin e tij, Shkumbin Mustafa, që sot jeton e vepron në Shtetet e Bashkuara të Amerikës.
“Kënaqësi e vërtetë kur lexon për një ish talent te klubit Prishtina, që më vonë bëri karrierë në SHBA, por jo vetëm kaq, por ishte edhe ai që punoi ne ngritjen e hendbollit ne këtë vend deri ne pjesëmarrjen e skuadrave të Amerikës veriore në Kampionatin e klubeve botërore Super Globe qe organizon IHF çdo vit.
Momentalisht Shkumbin Mustafa është kryetar i klubit te New Yorkut dhe lojtar ende aktiv. Bini krenohemi me ty”, shkruan Gjinovci.
Për Mustafën ka shkruar “straighthandballtalk”, duke thur elozhe. Mustafa ka folur për karrierën e tij qoftë në hendboll dhe në aspektet tjera.