Klubi i hendbollit Prishtina (meshkujt) po përgatitet maksimalisht për garat e play-off-it në Superligën e Kosovës.
”Këtë javë i jemi rikthyer stërvitjeve dhe përgatitjeve për finalet e Superligës dhe Kupës së Kosovës.
Pasi që zbatuam të gjitha masat kundër Covid 19 dhe konstatuam se të gjithë lojtarët janë në super gjendje shëndetësore do të tentojmë që të stërvitemi dhe të jemi të gatshëm për të luajtur për tituj edhe pse me shumë pak ditë kohë dhe kushte të jashtëzakonshme.
Sidoqoftë nuk dorëzohemi.
Me gjeneratën e kadetëve kemi fituar kampionatin e shpresojmë në suksese në finale edhe me ekipin e parë. Ju ftojmë për më shumë përkrahje në çdo aspekt”, njofton KH Prishtina.
