Trajneri lind, sportisti lind, lideri lind! Nuk ndërtohet trajneri me zor, as sportisti me zor e as lideri me zor! Taib Kabashi ka lind trajner dhe është fjala e fundit në Kosovë!
Diploma, diploma e licenca A, B, C, D, ZH nuk të bën trajner kur nuk je i lindur! Mund ta kesh titullin arsimtar, profesor e akademik, por nuk je për trajner!
Taibi është i lindur për zejen e trajnerit, është sikur shkencëtar se profesor i hendbollit është fjalë e vogël për të.
Merre me mend, që nga viti 2001 e deri me tash, Kabashi më i suksesshmi në hendbollin e Kosovës, si trajner është fjala, nëse jo si kampionë i shumëfishtë, nënkampionë i shumëfishtë po se po dhe finalistë i shumë Kupave të Kosovës!
“Kemi shumë lojtarë që janë pjesë e kombëtares së Kosovës, pra janë 80 për qind e lojtarëve që dolën nga duart e mija dhe të kolegëve”, kështu ka thënë Taib Kabashi para një kohe në gazetën kombëtare “Bota sot”.
Fakt që ende punohet në kombëtare me brumin apo materialin që e ka lënë Kabashi! Le ta kontestojnë deklaratën e Kabashit qoftë edhe bordi i Federatës së Hendbollit të Kosovës!
Inati mund t’ia keni Taibit, por hakun askush nuk mund t’ia hanë! Nuk është marre edhe bordi i FHK-së, që sot ta thërret Kabashin, në një takim konsultativ, se çfarë të bëjmë më tutje dhe si ta shpëtojmë hendbollin!
Është i vetmi trajner që gjithnjë rri në vend të dytë në vitet e fundit me ekipin e Prishtinës, patën e nuk patën pare.
Po ta kishte Kabashi infrastrukturën e Besa Famgas nga Peja, që është klubi bindshëm më i organizuar, do të ishte superfuqi!
Nuk është marre që edhe Shoqata e Trajnerëve të Hendbollit të Kosovës, një ditë ta ftojë Kabashin për një kafe, ta dëgjojë mendimin e tij dhe ta mbajnë edhe një seminar me trajnerët, t’ju tregon se si motivohet lojtari edhe kur nuk ka asnjë centi në xhep dhe se si luftohet për ngjyrat e klubit.
Në seminarë të jenë edhe trajnerët e meshkujve edhe të femrave.
Nuk është marre që Kabashi nesër të emërohet edhe koordinator apo edhe drejtor i kombëtares së Kosovës për të gjitha grupmoshat. E meriton, më i dijshmi është!
A ka kush që mund t’ia mohojë këto fakte Kabashit, kur ka thënë qe ende me brumin e tij po mbahet kombëtarja e Kosovës. Urdhëroni e flisni e demantone! Askush!
Kabashi nuk ka rëndësi se sa e ka humbur sfidën e fundit me Besën, e rëndësishme është se prapë po del i dyti me ekip!
Ose siç thotë njëri nga trajnerët e njohur, që nuk do ta publikojmë me emër: “Na mori pusi a na ka ngrënë dreqi, kemi trajnerë që ende nuk dijnë me renditë ekipin në fushë, e rendisin mbrapsht e qesharak”.
Kabashit duhet t’ia putheni lulen e ballit që po e ka një ekip motivuese e po i bën rezistencë që sa vite Besës së fortë, edhe fuqishëm, po e shpëton me fytyrë kampionatin.
Trajnerit më të mirë shtrija dorën ose në aspektin sportiv putheni në lule të ballit, se nuk është marre, e meriton për punën dhe angazhimin që e po bën.
I vetmi njeri sipas informatave që kemi, që lexon literatura dhe shikon video të ndryshme, duke përfituar njohuritë e reja. Sa e sa vite është shpallur trajneri më i mirë qoftë nga FHK-ja, qoftë nga Komuna e Prishtinës etj. Sukseset i ka me punë! E doni apo nuk e doni, e urreni apo jo, trajner që gjithnjë është lartë në renditje.Pasuri e hendbollit!