Kush e ka qetësinë e fiton titullin sot në orën 18.00 në palestrën “Dresha” në Orroberdë të Istogut.
Ferizaj ka rezultatin në favor me 5 gola (34:29), pasi që e fitoi sfidën e parë finale në palestrën “Bill Clinton” në Ferizaj.
Istogu e ka më së të qartë këtë epërsi të rivales dhe e kërkon përmbysjen, ferizajaset të ruajnë rezultatin.
Istogu me hendbollistet Albina Rugovën, Suzana Ujkiqin, Tina Hetemin, Keta Venetsky kundër Ferizajt me Meri Koneski (Giçeva), Albulena Basha, portierja Edona Rogova e Albulena Kelmendi.
Finalja e dytë e play-off-it të Superligës së Kosovës (femrat), gjithsesi do të jetë sa emocionuese aq edhe e nxehtë.
Kush e ka qetësinë, e menaxhon lojën si duhet dhe gabon më pak, e ka trofeun në xhep.