Besa Famgas është fituese e Kupës së Kosovës në hendboll (meshkujt).
Besa shënon fitore ndaj Prishtinës me rezultat 23:21, në finalen e madhe që u zhvillua në Qendrën e Rinisë dhe të Sportit në Prishtinë.
Finale dramatike e për infarkt. Pak kush e kishte pritur se Prishtina do të jetë aq e fuqishme ndaj Besa Famgas, por trajneri Taib Kabashi me strategjinë e tij, gjithnjë ka qenë atakues për skuadrën pejane.
Në minutën e 53-të, rezultati 18:17 në favor të Besës, penallti për Prishtinën.
Hendbollisti Denis Terziqi i pafat, lëshoi mundësinë që të barazon rezultatin, kur goditjen nga shtatëshja e mbrojti portieri Mursel Mehmeti. Këtu mori fund gjithçka Për Prishtinën sepse pasuan gabimet e njëpasnjëshme dhe pejanët rritën epërsinë.
Ndeshje edhe me tensione, për faktin se banka Prishtinës me Kabashin disa herë kanë reaguar në vendimet e gjyqtarëve. Te Besa Famgas u dallua me efikasitet Drilon Tahirukaj me 10 gola. Kontribut dha edhe portieri Arti Luzha si dhe gjithë të tjerët. Te Prishtina 8 gola i shënoi D. Terziqi, kurse pritje të shumta kishte portieri Armir Agushi.
Besa fitoi Kupën e Kosovës, e 11-ta në vitet e pasluftës. Është klubi më i trofeshëm bindshëm në hendbollin në periudhën 20 vjeçare, 14 tituj kampioni e 11 Kupa të Kosovës, gjithsej 25. Besa e përmbylli edicionin në mënyrën më të mirë, me dy trofe, titullin dhe Kupën.
Prishtina përkundër humbjes meriton komplimente të pakufishme për lojën e madhe dhe me pak fat do të dilte edhe më mirë.
Besa Famgas - Prishtina 23:21 (12:10)
Besa Famgas: Mehmeti, Luzha, Y. Muqolli, Idrizi 3, Gjuka 3, Jupa 4, J. Muqolli, Ramosaj 2, Vokshi, Kukrika, Prce 1, Visoka, Tafilaj, Mushkolaj, Tahirukaj 10
Prishtina: Terziqi 8, Beshiri 1, Abazi 1, Bajqinovci 1, Prekazi 5, Rr. Ramadani 1, Gjuka, Ademi, Sula 4, M. Ademi, Sherifi, D. Ramadani, H. Ramadani, Qela, Agushi, Beqiraj.