Nënkampioni i Kosovës, Prishtina, e vlerëson shortin e Kupës Evropiane dhe besojnë se mund të kualifikohen më tej.
“Hendbollistët e Prishtinës do të luajnë në shtëpi ndeshjen e parë të raundit të dytë të Kupës Evropiane (European Cup). Përballë Prishtinës do të jetë skuadra bullgare, Dobrudja.
Kështu është vendosur me shortin e tërhequr të martën në Vjenë.
Prishtina kthehet në gara evropiane dhe ka pretendime për hapa tutje. Shorti nuk e penalizon në këtë synim.
Prishtina ndeshjet e para në Kupën Evropiane i luan në muajin nëntor.
I dëshirojmë suksese skuadrës prishtinase”, shkruan në faqen e HC Prishtina.
