Emri i njohur i hendbollit në Kosovë, ish portieri Veton Hajrizi, emërohet kryetrajner i ri i klubit me renome Trepça nga Mitrovica (meshkujt).
“Ish kampioni i klubit tonë tani kryetrajner i KH Trepça.
Veton Hajrizi, ish portieri me i mirē nē hendbollin e Kosovës do tē jetē Kryetrajneri i ri i klubit tonë.
Hajrizi dhe kontributi i tij i gjithanshëm ku është një nga kontribuesit më eminent në sportin e Mitrovicës dhe jo vetëm.
Portier i shumë skuadrave si dhe Kombëtares së Kosovës.
Tani Vetoni, sjell në skuadër përvojën e gjatë të tij dhe të suksesshme, si lojtarë dhe si trajner i portierëve të Kombëtares së Kosovës.
Kontributi i tij, ka qenë gjithnjë në Klub për të bërë hapa para, si dhe duke i këshilluar të rinjtë që të merren sa më tepër me sport, dhe sidomos hendbollistët dhe hendbollistet, për një të ardhme të ndritur.
Natyrisht nga përvoja e tij presim që klubi të jetë sa më mirë në edicionin 2020/2021”, njofton KH Trepça.
