Lulzim Shabani largohet nga Kastrioti i Ferizajt dhe i bashkohet Prishtinës! Hendbollisti synon që me Prishtinën të arrijnë suksese dhe jo vetëm kryeqytetin por të bëjnë që të ndihet krenar edhe Kosovën! Shabani luan në pozitën e alos së majtë dhe është ndër përforcimet me të qëlluara të Prishtinës. Ai është edhe pjesë e Kombëtares së Kosovës.
“Bota sot”: Cilat janë arsyet që e braktise Kastriotin?
Lulzim Shabani: Ndër arsyet kryesore është jo organizimi me kohë dhe jo i mirë në klubin e Kastriotit.
Pavarësisht se disa persona kanë bërë çmos që të bëhet diçka dhe të shkoj në mënyrë përfekte prapëseprapë për inate te disa prej personave në qytetin e Ferizajt gjithçka ka dështuar bashkë me këtë edhe shumë sponzorë.
Unë mendoj se fajin kryesor e kane disa prej personave në qytet, që për inate individuale e lanë klubin në këtë gjendje.
“Bota sot”: Çfarë synoni me Prishtinën?
Lulzim Shabani: Patjetër që do të jemi pretendent të denjë për titull dhe kupë por me e rëndësishmja të arrijmë sa më larg në arenën ndërkombëtare që të bëjmë krenar qytetin e Prishtinës, po ashtu edhe Kosovën.
“Bota sot”: Largoheni nga Kastrioti, a është shlyer borxhi ndaj jush?
Lulzim Shabani: Këtë nuk mund ta them, le të mbetet si pjesë private mes meje dhe kryesive të cilën kanë qenë nga viti 2019/shtator.