Klubet nuk i tregojnë pagat e hendbollisteve në Kosovë, por ka prej tyre që paguhen goxha mirë.
Pas hendbollistes Bellma Beba, është Esma Muratoviq, e cila vlerësohet lojtarja më e shtrenjtë në vendin tonë në 20 vitet e fundit!
Për Bellma Bebën ishte bërë e ditur para një kohe, se pagën e ka pasur 800 euro, sa ishte pjesë e Kastriotit të Ferizajt, kur e kishte president Ahmet Hysenajn- Petrovën. Përveç pagës ka pasur të hequra edhe shpenzimet tjera. Këtë e ka pranuar edhe vet Hysenaj!
Tani flitet se lojtarja boshnjake nga Mali i Zi, Esma Muratoviq, ka një pagë goxha të mirë të ekipi i Istogut!
Raportohet nga burimet jozyrtare, se Esma e ka pagën rreth 1000 euro, plus shpenzimet tjera. Ajo llogaritet si truri i skuadrës!
Sipas asaj që raportohet, kjo është rroga më e madhe në 20 vitet e fundit, pasi këtë rekord e mbante deri me tash Bellma. Esma është zotuar ditë më parë, se do t’ia sjell trofetë Istogut, që është klubi më i organizuar në vendin tonë. Nëse vërtetohet saktësisht se e ka pagën 1000 euro, plus shpenzime tjera, është një lajm i bukur për këtë sport!
