Gjyqtarët e kanë pasur misionin më të vështirë në vitet e 90-ta (1991-1999). Gjyqtarët shqiptarë, që e kanë ndarë drejtësinë në fusha dhe salla të improvizuara, ishin halë në sy për regjimin serb.
Shaban Demiri i takon Gjeneratës së Republikës. Ai ka qenë ndër gjyqtarët më të dalluar të hendbollit.
Shabani nuk u ndal asnjëherë përkundër shantazheve dhe kërcënimeve që i vinin nga milicia serbe. Ai me vendosmëri dhe guxim kishte vazhduar misionin e tij, duke ndarë drejtësinë në Kampionatin e Republikës së Kosovës.
Uniforma e gjyqtarëve sportivë, për regjimin serb ka qenë sikurse uniformë ushtarake.
Demiri ndihet krenar që ka qenë pjesë e asaj periudhës, që ka sakrifikuar dhe kontribuar për të mbajtur gjallë hendbollin dhe sportin në përgjithësi. Është krenar që së bashku me mijëra sportistë iu kundërvunë fuqishëm agresorit serb.
