Hendbollistja e talentuar Arrita Kursani, tash e disa muaj është jashtë fushës, për shkak të një lëndimit në këmbën e majtë.
Ajo shpreson që sa më shpejt që është e mundur të rikthehet në fushë dhe ta ndihmojë skuadrën e Vëllaznimit.
Arrita luan në pozitën e begut të majtë, është anëtare e kombëtares së Kosovës dhe ka një fizikus premtues, që mund të bëhet një lojtare e madhe, që të luan edhe përtej kufijve të vendit tonë.
Kur do të kthehet Arrita? “Sa më shpejtë të jetë e mundur”, përgjigjet Arrita për gazetën kombëtare “Bota sot”.
Në anën tjetër, Vëllaznimi po vuan për lëndimin e saj sepse me Arritën do të ishin edhe më të fortë në kampionat.
Hendbollistja gjakovare tha se po e ndjen shumë mungesën e fushës.
“Tash e 5 muaj jam jashtë fushës. Është normale që mungesa ndjehet çdo ditë e më shumë, për shkak që nuk do munden t’i ndihmoj këtë sezon ekipit tim, por gjithsesi do të kthehem sikur herën e parë por tani edhe me e fortë”, thotë Arrita.
Synimet e hendbollistes janë që të rikthehet sa më shpejt në fushë dhe më Vëllazmimin të luftojnë për rezultate sa më të mira në Superligën e Kosovës.