Kampionja e Kosovës, Ferizaj, pëson humbje të thellë, me 25 gola diferencë (40:15) nga “Muratpasha Belediyesi SK” nga Antalia, në kuadër të rrethit të tretë të Kupës së Evropës në hendboll (femrat).
Humbja e thellë edhe pritej, kur kihet parasysh se ferizajaset udhëtuan të hendikepuara pa tri lojtare për shkak që rezultuan me Covid 19.
Pjesa e parë përfundon me 19:7, ndërsa në periudhën e dytë turket thelluan fitore në 25 gola dallim, të cilat me qetësi e presin sfidën e nesërme (13.00) ndaj të njëjtës skuadër dhe që luhet po në të njëjtën palestër në Antalia. Ferizaj pa shpresa për kualifikim.
Muratpasha Belediyesi SK – Ferizaj 40:15
Muratpasha Belediyesi SK: Shulega, Sensoz, OzdemirÇelik 8, Türkyilmaz 6, Akalin 5, Yapici 5, Köseler 4, Güleçyüz 3, Merve 2, Bozdogan 2, Ersöz 2, Karaarslan 2, Kiliç 1, Hosgor dhe Sormaz.
Ferizaj: Trenoska, Rashiti, Stagova 5, Basha 4, Kelmendi 3, Stojkovska 2, Kupina 1, Domaneku, Sylejmani, Huruglica dhe Çerkini.
