Super Istogu, gjunjëzon bjelloruset në ndeshjen e parë të Kupën së Evropës

Hendboll

Super Istogu, gjunjëzon bjelloruset në ndeshjen e parë të Kupën së Evropës

Nga: K.G. Më: 21 nëntor 2020 Në ora: 20:13
Super Istogu, gjunjëzon bjelloruset në ndeshjen e parë të Kupën së Evropës

Liderja e Superligës së Kosovës, Istogu, ka shënuar fitore të madhe me rezultat 33:30 (18:17) kundër Victorie Berestie, në takimin e parë të rrethit të dytë të Kupës së Evropës në hendboll (femrat).

Ndeshja u zhvillua në palestrën e sportit në Istog, ndërsa vashat e Istogut  luajtën me zemër dhe e mposhtën ekipin më të mirë në Bjellorusi. 

Pjesa e parë me rivalitet të madh, ndërsa vashat e Istogut shkuan në pushim me një gol epërsi (18:17).

Në pjesën e dytë luajtën edhe më mirë dhe ia dolën që të ngadhënjejnë me tre gola epërsi (33:30).

Istogu bën hapin e parë drejt të tetës së finales! Ato nesër do të luajnë takimin e dytë po në Istog dhe në orën 18.30. 

Kryetrajneri Faruk Shala, është sikur në qiellin e shtatë për fitoren e madhe.  Esma Muaratoviq është më efikasja me 13 gola, e ndihmuar nga Elma Kameri 8, Suzana Ujkiq 7 gola etj. 

Ai është krenar për angazhimin dhe lojën e madhe, që dëshmuan vashat e tij. Një fitore që do të mbahet mend, për faktin që e mposhtën ndër ekipet më të forta. 

Victoria-Berestie - Istogu 30:33 (17:18)

Istogu: Ujkiq 7, Kameri 8, Milatoviq, Shatri, Muratoviq 13, Rugova 3, Shehdadi, Fejzaj, Venetski, Rexhaj, Halitaj, Ahmetxhekaj, Hetemi 1, Ferataj 1, Berisha.

Shfaq komentet
comments powered by Disqus
Sot mund të lexoni Shfletoni kopertinat