Vashat e Istogut festojnë fitoren e madhe në Kupën e Evropës.
Istogu ka shënuar fitore me rezultat 33:30 (18:17) ndaj Victoria Berestie, në takimin që u zhvillua në palestrën e sportit në Istog.
Ndeshja e radhës luhet nesër po në orën 18.30 në Istog, ashtu siç janë marr vesh klubet para një kohe.
Kjo fitore ka domethënie të veçantë, për faktin se e mposhtën skuadrën më të fortë bjelloruse.
Kryetrajneri Faruk Shala tha se janë në gjysmë të rrugës për në të tetën e finales, ku beson e shpreson se edhe nesër do të fitojnë ndaj bjelloruseve, në takimin e kthimit në kuadër të rrethit të tretë.
“Kjo ka qenë skuadra më e fortë me të cilën Istogu është ndeshur deri më sot, po natyrisht edhe ndeshja më e mirë që ka zhvilluar Istogu.
Arritëm të mposhtim një skuadër të madhe me një lojë të disiplinuar dhe angazhim maksimal.
Hendbollistet e mija i përgëzoj, jemi në mes të rrugës, kemi edhe një ndeshje përpara, shpresoj të bëjmë më të mirën, palestra e sporteve në Istog na ka dhënë forcë”, thotë Shala për gazetën kombëtare “Bota sot”.
