Skuadra bjelloruse Victoria Berestie me plot bindje zbarkoi në Kosovë, se pa asnjë telashe do ta fitojë takimin e parë me Istogun, në kuadër të ndeshjes së parë të rrethit të tretë të Kupës së Evropës, por pa i shkuar mendja se do të mposhtet!
Iouri Karpouk, trajner i Victoria Berestie, gjithë bindjen e tij e kishte bazuar në ekipin e Gomel kur në vitin e kaluar e mposhti me rezultat 45:13 Istogun.
Duke menduar se është i njëjti ekip me cilësi sikurse ai i vitit të kaluar, megjithatë është i njëjti me lojtare, dhe do të t'i dal lehtë, por as që i kishte mendja se do humbin sfidën e parë me 33:30.
Ky është një fakt që e ka çuditur trajnerin e skuadrës bjelloruse, Iouri Karpouk, pasi që mbetet i befasuar se aq shumë ka përparuar ky ekip siç është Istogu në krahasim me vitin e kaluar!
Fakti i dytë, është mikpritja bujare që i afruan Istogu si ekip, duke e respektuar ashtu si respektohet miku, por në fushë i treguan se janë më të mirë.
Hendbollistet Esma Muratoviq me 13 gola, pastaj Elma Kameri me 7, Suzana Ujkiq e jashtëzakonshme në mbrojtje dhe me 7 gola, si dhe mbrojtjet e shkëlqyeshme të portiees Aurora Shehdadi, sollën fitoren me 33:30.
Istogu sot me padurim pret edhe takimin e dytë, që luhet sot në orën 18.30 dhe të sigurojnë kualifikimin.
Trajneri i bjellorus, kampion i botës për junior në vitin 1990 me BRSS-në është i mahnitur me palestrën e re të qyteti në Istog, që ka një pamje të jashtme të bukur por edhe përbrenda është e lezetshme, duke e vlerësuar si shumë të bukur, po ashtu me të gjitha ato që i ka përcjellëse dhe me banjo mjaft të mira, secila me kabinën e vet dhe të rreguar ashtu sipas standardeve. Ajo që e ka mahnitur, kultura dhe pritja fantastike në Istog.