Gjyqtarët e Kosovës të hendbollit kanë nisur menjëherë me drejtimin e ndeshjeve të Kupave Evropiane në vitin 2022.
Ilir Bytyqi e Syart Kasapi javën e kaluar ishin të deleguar në ndeshjen e fazës grupore të Ligës Evropiane (femrat).
Në Gyor të Hungarisë u takuan Motherson Mosonmagyarovari KC dhe skuadra franceze, ES Besancon Feminin. Fitore me rezultat 38:30 shënoi skuadra hungareze.
Bytyqi e Kasapi për delegat e kishin Peter Dvorskyn e Sllovakisë.
Ndeshja i takoi grupit A, në të cilin pas dy ndeshjeve udhëheq skuadra hungareze me 4 pikë. Ndërkohë skuadra franceze pësoi humbjen e dytë.
