Istogu feston në Ferizaj, kampion i ri i Kosovës

Hendboll

Istogu feston në Ferizaj, kampion i ri i Kosovës

Nga: Kemajl Goca Më: 4 maj 2022 Në ora: 19:24
Trofeun e kampionit, presidenti i FHK-së, Eugen Saraçini, ia dorëzoi kapitenes së Istogut, Yllka Shatri.

Istogu është kampion i ri i Kosovës në konkurrencën e femrave. 

Hendbollistet e Istogut shënuan fitore me rezultat 26:25 (16:13) ndaj Ferizajt, në ndeshjen e dytë finale të play-off-it të Superligës së Kosovës, që u zhvillua në palestrën  e sportit “Bill Clinton” në Ferizaj.

Mbi 500 shikues ishin në palestër, duke krijuar atmosferë të mirë. 

Istogu është kampione me plotë meritë dhe duke u bazuar edhe në ecurinë që ka pasur në kampionat, e cila e përfundoi me 22 fitore pjesën e rregullt, plus katër fitore në play-off, gjithsej 26. 

Duhet theksuar se finalja e parë në Istog përfundoi me fitoren e KHF Istogut me rezultat 32:31. 

Pjesa e parë e ndeshjes u karakterizua me një rivalitet por Istogu vazhdimisht ishte në epërsi, duke shkuar në pushim me rezultat 13:16 në favore të vetin. 

Vashat ferizajase bënë shumë gabime në periudhën e parë, por edhe në të dytën sidomos në minutat e para të pjesës së dytë, luajtën dobët duke lejuar rivalen të shkëputet në epërsi me 14:19 në minutën e 37-të.

Në minutën e 20-të, rezultati 16:20, për të ruajtur mysafiret epërsinë në minutën e 53-të (20:25). Feriza ngushtoi humbjen në 25:26.

Mysafiret luajtën me kujdes të shtuar por edhe shfrytëzuan edhe gabimet e rivales.

Esma Muratoviq së bashku me Bojaniqin, Da Rochan e Milatoviqin etj. ishin enigmë e pazgjidhur për Ferizajn. 
Hendbollistet e Ferizajt nuk treguan lojën e sfidës së parë në Istog, sot humbën shumë topa.

Kryetrajneri i Istogut, Faruk Shala, është krenar me vashat dhe me titullin e dytë në histori të klubit, pasi që të parin e ka fituar në edicionin 2018-2019.

Shala tha se tani përqendrimin e ka të Kupa e Kosovës, ku kërkon edhe trofeun tjetër. Trofeun e kampionit, presidenti i FHK-së, Eugen Saraçini, ia dorëzoi kapitenes së Istogut, Yllka Shatri.

commentFirst article
Sot mund të lexoni Shfletoni kopertinat