Të premten ka nisur Moduli i parë i kategorisë së parë për shkollimin e trajnerëve tanë të hendbollit.
Shkollimi bëhet sipas RINCK Konventës së EHF-së, program ky për shkollimin e trajnerëve.
Shkollimi ka nisur në lokalet e AAB-së në Fushë Kosovë.
Në ceremoninë e fillimit të trajnimit prezent ishte nënpresidenti i FHK-së, Enis Idrizi dhe Fitim Arifi nga Akademia Olimpike e Kosovës. Të dy kanë folur për rëndësinë e shkollimit për trajnerët e rinj dhe lojtarët që synojnë në të ardhmen të bëjnë karrierë trajneri.
Shkollimi i trajnerëve bëhet në bashkëpunim me KOK-un, përkatësisht Akademinë Olimpike.
