Ekipi i Prishtinës e mbrojti titullin e kampionit në elitën e hendbollit në konkurrencën e femrave. Ato në finale e tretë shënuan fitore me rezultat 26:22 (12:11) ndaj Shqiponjës nga Gjakova, e cila u luajt në palestrën e sportit ‘1 Tetori’ në Prishtinë. Prishtina shpallet kampione në seri të fitoreve 2:1, pasi që sfidën e parë e kishte fituar me 26:25, në Gjakovë u mund me 37:30 dhe në takimin e tretë ka qenë më e suksesshme se gjakovaret.
Ky është titulli i gjashtë i pasluftës për ekipin nga kryeqendra. Hendbollistja Pranvera Ferataj ka qenë më e dalluara e cila ka realizuar 7 gola për Prishtinën, e ndihmuar nga Bellma Beba me 6 sosh. Albulena Kelmendi realizoi 12 gola për Shqiponjën, por nuk i bënë punë. Shqiponja që ka 18 vjet që u themelua, lëshoi një mundësi të artë që për herë të parë të stolisen me titullin e kampionit
Kampionët e pasluftës
2016/17 Prishtina
2015/16 Prishtina
2014/15 Kastrioti
2013/14 Kastrioti
2012/13 Kastrioti
2011/12 Prishtina
2010/11 Prishtina
2009/10 Prishtina
2008/09 Kosova
2007/08 Kosova
2006/07 Vicianet
2005/06 Vicianet
2004/05 Kosova
2003/04 Kosova
2002/03 Kastrioti
2001/02 Kastrioti
2000/01 Kastrioti
1999/00 Kastrioti
