Me një lojë të shkëlqyer, sidomos në mbrojtje dhe duke iu falënderuar mbrojtjeve fantastike të Arpad Shterbik, hendbollistët e Spanjës festuan titullin e kampionit, duke mposhtur në finale Suedinë në Zagreb.
Pas kthesave të mëdha në pjesën e dytë, spanjollët vendosën ritmin e tyre dhe pas një ore lojë në “Arenën” e Zagrebit shënuan fitore prej 28:23, transmeton KosovaPress.
Kjo është medalja e parë e artë për Spanjën në histori, në kampionatet evropiane të hendbollit.