Federata e Hendbollit e Kosovës duhet t’i qartësojë gjërat fortë e mirë me klubet dhe mos të lejojë asnjë klub që të shkojë në garat evropiane, nëse nuk ka buxhet garantues.
Prandaj, tani jemi në muajin korrik dhe situata duhet të qartësohet sepse brenda disa javësh do të hidhet edhe shorti për garat evropiane, kësisoj duhet të dihet se cilat klube do të garojnë.
E para, më mirë të shkohet me 3 klube: dy te meshkujt e një te femrat, por të jenë më të organizuar dhe jo vetëm sa për të garuar ose për të thënë me rëndësi pjesëmarrja. Shpenzimet e panevojshme nuk i duhen hendbollit dhe vetëm të shkojnë e të shëtisin!
