Kampioni aktual i Kosovës në hendboll, Besa Famgas, ka vazhduar me fitore në stinorin 2018\19. Skuadra pejane të dielen fitoi ndaj Vëllaznimit në Gjakovë me rezultat 34:21. Pas pjesës së parë pejanët kishin epërsi prej gjashtë golave, 18:12.
Për Besën ishte kjo fitorja e tretë dhe tashmë ajo ka gjashtë pikë, sa i ka edhe Kastrioti. Në kuotën e gjashtë pikëve mund të ngritet edhe Drita, që gjatë javës pritet ta luajë ndeshjen e javës së tretë ndaj Samadrexhës. Për Vëllaznimin ishte humbja e parë pas një fitore e një barazimi.
E. Gjuka me tetë gola ishte më efikasi te Besa Famgas. Gjithsej dhjetë lojtarë realizuan gola për Besën. Te Vëllaznimi A. Halili shënoi pesë gola.
Vëllaznimi – Besa Famgas 21:34 (12:18)
Vëllaznimi: Curri 1, Luzha, Spahija 1, Mamusha 1, Gaxha 1, Neziri 4, Fana 3, Rama 3, Rexha 2, Halili 5.
Besa Famgas: Mehmeti, Berisha, B. Idrizi 2, Broqi, Gjuka 8, Jupa 2, Tetova, Y. Muqolli 1, D. Idrizi 4, Vokshi, D. Tahirukaj 2, Ramosaj 6, Tahirukaj 5, Tafilaj 3, J. Muqolli 1.