Federata e Hendbollit e Kosovës, i ka kryer të gjitha procedurat e saja, është ankuar në Federatën e Hendbollit Evropian (EHF) për garat ilegale që zhvillon klubi nga Kosova, Mokra Gora e Zubin Potoku. E neveritshme apo jo, Mokra Gora, klub serb që është në veri të Mitrovicës, bëri skandalin e radhës, luajti ndeshjen në Zubin Potok kundër Partizanit të Beogradit dhe shënuan fitore me rezultat 24:22, në kuadër të javës së dytë të Superligës së Serbisë!
Mokra Gora është në krye të ligës serbe së bashku me Pançevon dhe Shamotin! E turpshme, që Federata e Hendbollit e Serbisë, nuk përfill as mesazhin e Federatës së Hendbollit Evropian, kjo e fundit ia ka tërhequr vërejtjen se do të ndëshkojë sepse nuk lejon që garat e Serbisë të zhvillohen në një shtet tjetër. FHK-ja, nuk ka as çfarë të bëjë më, janë ankuar dhe vetëm presin veprimin e EHF-it.
Para pak ditëve si gazetë kemi paralajmëruar, se Mokra Gora synon Evropën përmes Serbisë, por një gjë e tillë duhet të ndalet nga shteti i Kosovës, që ky klub mos të mund t’i zhvillojë ndeshjet brenda territorin tonë.
