Ndeshje dramatike në Vushtrri - Bota Sot
Ndeshje dramatike në Vushtrri

Hendboll

Ndeshje dramatike në Vushtrri

Më: 6 dhjetor 2018 Në ora: 10:50
Pamje nga një ndeshje

Është luajtur takimi i mbetur i javës së dhjetë të Superligës së Kosovës për hendbollistë në mes të Vushtrrisë dhe Drenicës. Ndeshja ishte dramatike por nuk dha fitues. Takimi Vushtrria – Drenica përfundoi me rezultat të barabartë, 27:27. 
Ishin mysafirët që e filluan ndeshjen më mirë duke kaluar në epërsi 5:0. Vushtrriasit më pas u afruan në rezultat, por pjesa e parë megjithatë përfundoi me rezultat 15:11 në të mirë të Drenicës. Në pjesën e dytë Vushtrria nisi më mirë dhe në minutën e 36-të ia doli të barazoi rezultatin në 16:16. Në minutën e 43-të vendasit kishin epërsi 18:17, por më pas ishte Drenica që kishte epërsi të lehtë, deri në dy gola. Në dhjetë minutat e fundit luhej për secilin gol, ndërsa epërsinë e fundit e kishte Drenica në minutën e 58-të, 27:26. Në minutën e njëjtë u barazua rezultati në 27:27 dhe më nuk u shënuan gola. A. Musa e M. Jashari ishin më efikasët te Vushtrria me nga shtatë gola. B. Qorri realizoi tetë gola për Drenicën. 
Vushtrria i ka tani 9 pikë dhe mbetet në vendin e gjashtë. Drenica është e teta me 6 pikë. 

Vushtrria – Drenica 27:27 (11:15)

Vushtrria: Melenica, Karaqa 4, Jashari 3, Neziri 1, Sadiku 1, Abazxhiku 1, Musa 7, M. Jashari 7, Lahu, Emini, Shabanaj 3, Ibishi, Krasniqi 

Drenica: Gecaj, Lladrovci, E. Hamza, Hasani 1, Qorri 8, Muqolli, Hamza, Zekaj 3, Sahiti 1, S. Hasani 4, Binaku 3, Haxhijaj 1, Mehmeti 6.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...