Edhe Samadrexha u gëzua - Bota Sot
Edhe Samadrexha u gëzua

Hendboll

Edhe Samadrexha u gëzua

Më: 18 dhjetor 2018 Në ora: 10:55
Edhe Samadrexha u gëzua

Në javën e fundit të stinorit vjeshtor skuadra e Samadrexhës e ka shënuar fitoren e parë. Në Vushtrri, Samadrexha fitoi ndaj Drenicës me rezultat 37:26. Të dielen u luajtën dy ndeshje të javës së 14-të. Në Pejë, Besa Famgas ka fituar pa telashe ndaj Vushtrrisë me rezultat 36:11. Për kampionin aktual, Besën, ishte fitorja e 13-të këtë edicion. Besa stinorin vjeshtor e përfundoi me 26 pikë, sa i mblodhi edhe Kastrioti i Ferizajt. 
Në vend të tretë është Prishtina me 24 pikë. Prishtina të shtunën e mposhti Vëllaznimin me rezultat 42:27. Po të shtunën Drita në Gjilan fitoi ndaj Trepçës me rezultat 33:23. Drita është e katërta me 20 pikë. Kastrioti e hapi javën e fundit me fitoren ndaj Zhegrës (52:34), të premten.
Por bazuar në rezultatet e deritashme, befasi mund të llogaritet fitorja e Samadrexhës ndaj Drenicës. Samadrexha kishte humbur 13 ndeshje rresht derisa Drenica i kishte mbledhur 6 pikë, falë dy fitoreve e dy barazimeve. Samadrexhasit të udhëhequr nga A. Maloku i fituan dy pikët e para dhe kështu bënë hapin e parë drejt mbetjes në Superligë.

Samadrexha – Drenica 37:26 (21:11)

Samadrexha: Bunjaku, Sopjani 2, K. Maloku 2, S. Maloku 4, Sh. Maloku, Basholli, F. Maloku, A. Maloku 19, Jashari 9, G. Maloku 2, D. Maloku
Drenica: Lladrovci, Muqolli, Hamza 1, Gecaj, Qorri 1, Mehmeti 8, Zekaj 2, Hasani 4, E. Hamza, S. Hasani 2, Binaku 2, Sahiti 3, Haxhiaj 2.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...