L’Œuvre (1939)/ Mbretëresha Geraldinë, gazetarit amerikan në Versajë: “Djali im do të edukohet, së pari, që të bëhet burrë!” - Bota Sot
L’Œuvre (1939)/ Mbretëresha Geraldinë, gazetarit amerikan në Versajë: “Djali im do të edukohet, së pari, që të bëhet burrë!”

Historia

L’Œuvre (1939)/ Mbretëresha Geraldinë, gazetarit amerikan në Versajë: “Djali im do të edukohet, së pari, që të bëhet burrë!”

Nga: Aurenc Bebja Më: 26 maj 2019 Në ora: 08:06
“L’Œuvre”

“L’Œuvre” ka botuar, të shtunën e 19 gushtit 1939, në faqen n°2, intervistën e mbretëreshës Geraldinë të zhvilluar asokohe në Versajë me një zyrtar të shtypit amrikan, të cilën, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar : 

Bisedimet e Versajës

“Mbretëresha Geraldinë e Shqipërisë i tha, dje, një përfaqësuesi të shtypit amerikan, të pritur nga ajo në Versajë, se princi Skënderbe (katër muajsh), mund të rritet në Shtetet e Bashkuara.

— A do të marrë arsimimin e një princi demokratik ?

Mbretëresha u përgjigj me një ton të ashpër : 

— Ai do të edukohet në mënyrë që të bëhet burrë. Dhe ai do të mësojë të gjitha gjuhët e rëndësishme, duke përfshirë frëngjishten dhe anglishten. 

E ardhmja e princit ? 

— Princi është kaq i vogël saqë ende nuk kemi bërë plane.

Mbreti Zog dhe mbretëresha Geraldinë pohojnë se nuk e dinin kur e morën me qira kështjellën, se ajo ishte banuar më parë nga Duka i Windsorit. 

— Dhe cilën pjesë të kështjellës preferoni ?

— Dhomën e djalit tim – u përgjigj ajo. Mbretëresha deklaroi se shqetësimet për elegancën nuk ishin çështje dite dhe se nuk e dinte ende kur do të shkojë te shtëpitë e mëdha të modës.

... Pa mohuar se do të shkojë tek ato një ditë.”

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...