Gazeta greke (1879)/Ali Pashë Gucia ka refuzuar që Plava e Gucia t’i jepen Malit të Zi dhe ka urdhëruar guvernatorin e Shkodrës të parandalojë hyrjen e trupave osmane në këtë vend (Deklarata)

Historia

Gazeta greke (1879)/Ali Pashë Gucia ka refuzuar që Plava e Gucia t’i jepen Malit të Zi dhe ka urdhëruar guvernatorin e Shkodrës të parandalojë hyrjen e trupave osmane në këtë vend (Deklarata)

Nga: Aurenc Bebja Më: 15 maj 2020 Në ora: 09:45
Burimi: gallica.bnf.fr / Bibliothèque nationale de France

“Le Globe” ka botuar, të dielën e 21 dhjetorit 1879, në faqen n°4, rrëfimin e gazetës greke “Neologos” për Ali Pashë Gucinë dhe ndërhyrjen e tij asokohe për të mbrojtur territoret e Plavës dhe Gucisë, të cilin, Aurenc Bebja, nëpërmjet Blogut “Dars (Klos), Mat – Albania”, e ka sjellë për publikun shqiptar

Lidhja shqiptare, askush s’bën sikur nuk është në dijeni të saj në Kostandinopojë, pra nuk është një mit, ne hasim një provë goditëse të saj në faktet e mëposhtme të raportuara nga gazeta greke “Neologos” :

Një mysliman, Ali Beu, i cili ka një influencë të madhe, së fundmi mblodhi në një takim të madh mes shqiptarësh, bashkatdhetarët e tij, në “Bodchi – Guci”, një fshat fqinj të Plavës. Njëzëri, të gjithë të pranishmit votuan deklaratën e mëposhtme:

“Sulltani dhe fuqitë duhet të paralajmërohen se kombi shqiptar, për asnjë arsye të vetme, nuk do të mbështesë që rrethet (distriktet) e Gucisë dhe të Plavës t’i jepen kujtdo : këto janë me të vërtetë çelësat e pozicionit ushtarak të Shqipërisë së Epërme. Kombi shqiptar u bën thirrje fuqive që nënshkruan traktatet e Berlinit për të kompensuar Malin e Zi me pjesë të tjera territoresh. 

Shqiptarët vetë janë të gatshëm t’u japin atyre kompensim monetar. Në rast se, të gjitha ndërhyrjet mbi këtë temë bëhen të padobishme, Porta duhet të mësojë se kombi është i vendosur të mbrojë krahinat e lartpërmendura me të gjitha përpjekjet e tij.”

Për më tepër, po i njëjti Ali Bej urdhëroi guvernatorin e Shkodrës pothuajse në të njëjtën kohë të parandalojë hyrjen e trupave osmane në Plavë dhe Guci. Vetë mullahët (hoxhallarë me shkollë), në këtë rrethanë, nxitën popullin për të bërë një demonstrim për ruajtjen e integritetit të territorit shqiptar. Çrregullimi u bë shpejt kërcënues dhe ushtria mori urdhërin të përdorte armët në rast nevoje.

Shkrimi i plotë: Gazeta greke (1879)/Ali Pashë Gucia ka refuzuar që Plava e Gucia t’i jepen Malit të Zi dhe ka urdhëruar guvernatorin e Shkodrës të parandalojë hyrjen e trupave osmane në këtë vend (Deklarata)

commentFirst article
Sot mund të lexoni Shfletoni kopertinat