Droit et liberté (1979)/“Gjenerali i ushtrisë së vdekur” dhe “Dimri i madh”, dy vepra të romancierit më të madh shqiptar, Ismail Kadare, të botuara në frengjisht

Historia

Droit et liberté (1979)/“Gjenerali i ushtrisë së vdekur” dhe “Dimri i madh”, dy vepra të romancierit më të madh shqiptar, Ismail Kadare, të botuara në frengjisht

Nga: Aurenc Bebja Më: 10 korrik 2020 Në ora: 08:47
Ismail Kadare

“Droit et Liberté” ka botuar, me 1 prill 1979, në faqen n23, një shkrim në lidhje me dy romanet e Ismail Kadaresë botuar asokohe në Francë, të cilin, Aurenc Bebja, nëpërmjet Blogut “Dars (Klos) - Mat - Albania”, e ka sjellë për publikun shqiptar :

Librat

Dy libra të mëdhenj të kohës sonë

“Një libër i bukur (i mirë) i romancierit më të madh shqiptar, Ismail Kadare, për herë të parë këtu i përkthyer në frëngjisht, është një ngjarje tepër e rrallë për të mos u ndalur ! I përkthyer në 20 gjuhë, romani i tij “Gjenerali i ushtrisë së vdekur” (1970, A. Michel) në atë kohë pati magjepsur publikun nga lirika e tij makabre dhe ironike që përshkruante okupimin e egër të Shqipërisë nga trupat fashiste të Musolinit para dhe gjatë Luftës së Dytë Botërore.

“Dimri i madh”, vepra e katërt e Kadaresë e përkthyer në gjuhën tonë (Botimet Fayard), që ka dalë në treg kohët e fundit, është një afresk i madh mbi komunizmin shqiptar, ku të gjithë njerëzit e “tokës së shqiponjave” kanë një rol, nga lideri kombëtar Enver Hoxha, deri te militantët dhe fshatarët më të thjeshtë. Epik, duke kujtuar ritmin e disa legjendave të Ballkanit, të rrënjosura edhe në historinë më bashkëkohore të vendit më të fshehtë në Evropë, “Dimri i Madh” i ofron lexuesit më shumë se 500 faqe të një vepre të madhe historike.”

Shkrimi i plotë: Droit et liberté (1979)/“Gjenerali i ushtrisë së vdekur” dhe “Dimri i madh”, dy vepra të romancierit më të madh shqiptar, Ismail Kadare, të botuara në frengjisht

commentFirst article
Sot mund të lexoni Shfletoni kopertinat