Kush ishte Hamëz Sadria/ Si u ekzekutuan të dy nipërit e tij pasi u identifikuan. Ja momenti…

Historia

Kush ishte Hamëz Sadria/ Si u ekzekutuan të dy nipërit e tij pasi u identifikuan. Ja momenti…

Më: 3 nëntor 2020 Në ora: 11:52
Kush ishte Hamëz Sadria/ Si u ekzekutuan të dy nipërit e tij pasi u identifikuan. Ja momenti…

Në rubrikën “Autokton” të gazetares Anila Ahmataj mbrëmjen e sotme erdhi për sytë e publikut historia dhe tradita e fshatit “Letaj” i cili ndodhet në krahinën e Hasit.

Hasi është një ndër krahinat  shumë karakteristike,  i banuar që nga kohët e lashta këtë e dëshmon edhe ruajtja e dokumenteve dhe e të dhënave arkeologjike që nga neoliti 2600-2200 p.e.r. Nga studimi i kultures së hershme, nga gjurmimi dhe eksplorimi i vendbanimeve dhe varrezave, janë përfituar materiale të pasura të cilat hedhin dritë mbi formimin e kulturës dhe etnosit ilir. Hasi kufizohet pothuajse në të gjitha anët me lumenjë.

Eshtë një krahinë, që jetën e vet në të kaluarën, në etapa te caktuara historike, e ka bërë gjysmë të izoluar nga krahinat e tjera.

Në Konferencën e Ambasadoreve ne Londër në vitin 1913 u vendos ndarja e territoreve shqipëtare dhe gjysma e Hasit mbeti në pjesën e Kosovës. Dhe që prej 100 vjetësh kjo krahinë shqiptare vazhdon të quhet me dy emra: Hasi i Shqipërisë dhe Hasi i Kosovës, pikërisht për shkak të kësaj ndarjeje Hasi, tashmë i mbetur në pjesën administrative të Shqipërisë, nëpërmjet vijës kufitare të vënë në vitin 1913 kufizohet me Republikën e Kosovës, përkatësisht me vetveten, apo me pjesën e trungut të vet.

Për ekzistencën e krahinës së Hasit e tregojnë edhe dokumentet e vjetra që në shek.XIII. Për herë të parë flitet për të rreth vitit 1208.

Mikpritja, buka dhe bujaria janë disa nga elementet e traditës hasjane .Hasi ka qenë një nga krahinat shqiptare ku kanë gjetur strehë e mikëpritje luftëtarë, kryengritës të ndryshëm, udhëheqës çetash.

Sipas burimeve të ndryshme, mendohet se Hasi është edhe vendi i origjinës së Kastriotëve. Kastriotët ishin një familje feudale. Një figurë e rëndësishme historike me prejardhje nga Hasi është Pjetër Bogdani. Mikpritja dhe bujaria e familjeve të shumta në fshatrat e krahinës së Hasit kanë përcjellë gjurmë të hershmërisë dhe traditat e palëkundura shekuj pas shekujsh. Një ndër këta fshatra që dallon për vepra historike është fshati “Letaj” i ndodhur në krahinën e Hasait. Ky fshat në brendësinë e tij mbart histori më vete, me një popullsi rrethë 760 banorë, I gjendur rrethë 650 metra mbi nivel të detit.

 Familjet brenda fshatit Letaj, jetojnë mes punës dhe dashurisë pë atdheun, ata rrëfejnë se fshati ka një hershmëri e cila flet shumë për historinë dhe popullimin e tij. Por nga ana tjetër menjëherë na vjen në qëndër të bisedës një burrë me fizikun e gjatë, mustaqe dhe pamje burrërore është dalluar për veprat dhe bëmat e tij, ai është Hamëz  Sadria, kështu e thërriste fshati dhe njerëzit që e njihnin.

Hamëz Sadri Koka, rridhte nga një familje me tradita, fati e deshi që të shkollohej  jashtë vendit të tij dhe me zgjuarsinë apo intelektin që zotonte  arriti të zotronte disa gjuhë të huaja. Në moshën 18-vjeçare ai largohet nga fshati Letaj dhe për 12 vite me rradhë qëndroi larg. Dashuria për vendlindjen dhe malli për njerëzit e rikthyen atë në atdhe. Por gjërat tashmë kishin ndryshuar, ai ishte burrëruar, ishte rreth 30 vjeç dhe me nje pasuri të madhe.

Shfaq komentet
comments powered by Disqus
Sot mund të lexoni Shfletoni kopertinat