Dizajneri i stemës së FSK-së: Do të kërkoj nga kjo kompani që ta largojnë stemën, përndryshe do t’i padis - Bota Sot
Dizajneri i stemës së FSK-së: Do të kërkoj nga kjo kompani që ta largojnë stemën, përndryshe do t’i padis

Kosova

Dizajneri i stemës së FSK-së: Do të kërkoj nga kjo kompani që ta largojnë stemën, përndryshe do t’i padis

Më: 7 janar 2019 Në ora: 15:44
Albian Gagica

Stema e FSK-së që e bartin ushtarët e Kosovës është dizajnuar nga artisti Albian Gagica.

Por, sot të gjithë kanë vërshuar kundër Gagicës duke e quajtur këtë stemë të kopjuar nga një kompani amerikane e sigurimit fizik.

Pas disa kërkimeve në internet, kuptohet që kjo kompani është themeluar para 2 viteve, çka na jep të drejtën të themi që stema nuk është kopjuar nga Gagica, madje edhe në intervistën që Gagica e ka dhënë me rastin e fundvitit, ai ka potencuar që Simbolet e Ushtrisë së Kosovës janë dizajnuar në vitin 2009.

Image

“Simbolet e Ushtrisë së Kosovës janë dizajnuar në vitin 2009,  nga produksioni INIT në Prishtinë, ku unë kam qenë bashkëpronar dhe drejtor kreativ. Pos meje, në këtë projekt kanë dhënë kontribut edhe bashkëpunëtorët e mi: Taki, Alush Gashi, Pleurat Spahiu e Mumi. Pos shume projekteve të dashura e me vlerë që i kemi punuar për gati 15 vjet në INIT, dizajnimi i simboleve të Ushtrisë së Kosovës, padyshim se mbetet njëri nga projektet më të veçanta dhe më të vlefshme për ne.”, u pat shprehur Gagica ende pa dalur zërat që stema është kopjuar.

Media ka kontaktuar prap me Gagicën për të konfirmuar edhe njëherë rreth kësaj çështje dhe ai gjithë këtë që po ndodhë e quan qesharake.

“Është qesharake ajo çka po ndodhë me mediat në Kosovë, skicat për stemat e Ushtrisë së Kosovës i kam të dokumentuara qysh në vitin 2008, dhe një krahasim i një pune kaq serioze me një kompani serioze që llogon e paska vendosë që dy vjet, është shumë qesharake. Po më vjen keq për popullin tim që ka ra në këtë grackë të medieve. Unë do të kërkojë nga kjo kompani që ta largojnë stemën, përndryshe do ti padis, fatmirësisht ekziston ligji dhe do të rregullohet edhe kjo gjë.”, ka thënë Gagica për KultPlus.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...