Policia u bën thirrje shoferëve për kujdes të shtuar në kushtet me borë - Bota Sot
Policia u bën thirrje shoferëve për kujdes të shtuar në kushtet me borë

Kosova

Policia u bën thirrje shoferëve për kujdes të shtuar në kushtet me borë

Më: 9 janar 2019 Në ora: 11:35
Pamje nga bora

Referuar kushteve atmosferike, ndryshimit të motit me të reshura më të dendura të borës në vendin tonë, apelojmë tek të gjithë pjesëmarrësit në trafik që të kenë kujdes më të shtuar gjatë ngasjes së automjeteve në trafik.

Policia e Kosovës thekson se përmes planeve konkrete me njësitet e saj ka marrë masa për përforcimin e shërbimeve të Policisë së Komunikacionit Rrugor në të gjitha akset rrugore, me qëllim të ngritjes së nivelit të sigurisë dhe parandalimit të aksidenteve në trafik.

Ajo kërkon nga të gjithë pjesëmarrësit në trafik, e në veçanti nga drejtuesit e automjeteve, që të respektojnë shenjat e komunikacionit rrugor si dhe t’u përshtaten kushteve atmosferike gjatë ngasjes së automjeteve, sepse tani të reshurat ndikojnë në zvogëlimin e dukshmërisë në rrugë, për pasojë në disa akse rrugore mund të paraqiten vështirësi në qarkullim, sidomos në orët e vona dhe ato të hershme, kur mund të paraqiten edhe ngrica.

Policia e Kosovës vazhdon të apelojë tek të gjithë pjesëmarrësit në trafik që të respektojnë dispozitat ligjore të lëmit të komunikacionit, të posedojnë pajisjet e nevojshme dimërore, të ju përshtaten kushteve të rrugës dhe kushteve atmosferike, pasi që këto norma janë vendosur për mbrojtjen e jetës së tyre dhe pjesëmarrësve tjerë në komunikacion.

Në të kundërtën Policia e Kosovës njofton të gjithë qytetarët, opinionin e gjerë se do të ndërmarrë masa ndëshkuese ndaj të gjithë shkelësve të ligjit, me të vetmin qëllim për ngritjen e nivelit të sigurisë në trafik, parandalimin e aksidenteve, e në veçanti të atyre me pasoja fatale, përfundon thirrja e Policisë së Kosovës drejtuar pjesëmarrësve në trafik për kujdes të shtuar në kushtet e përkeqësuara atmosferike në vendin tonë.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...