Priten shkarkime në Inspektoratin Policor, duke filluar nga kryeshefja - Bota Sot
Priten shkarkime në Inspektoratin Policor, duke filluar nga kryeshefja

Kosova

Priten shkarkime në Inspektoratin Policor, duke filluar nga kryeshefja

Më: 11 janar 2019 Në ora: 15:17
Inspektorati Policor

Një valë shkarkimesh pritet të ndodhin në Inspektoratin Policor të Kosovës (IPK), duke filluar me kryeshefen e këtij e Inspektorati, Miradije Kelmendi.

Rtv Dukagjini mëson se deri tek ky vendim që pritet të merret shumë shpejt ka ardhur pas pakënaqësisë me kryerjen e punëve në këtë Inspektorat.

Sipas burimeve ky vendim është gati dhe me shkarkimin e kryeshefes do të shkarkohen dhe disa zyrtarë të tjerë në këtë Inspektorat.

“Inspektorati Policor i cili mbikëqyrë punën e Policisë së Kosovës është institucion i degraduar plotësisht”, kështu thuhet në një konstatim në draft-raportin e finalizuar të Grupit Punues për mbikëqyrjen e ligjshmërisë në IPK.

Një gjë të tillë nuk e mohoi as zëvendëskryetari i Komisionit për punë të Brendshme dhe Siguri, Rexhep Selimi.

Ai tha se janë ende duke punuar në këtë draft raport dhe me fillimin e sesionit pranveror çështja e parë që do të diskutohet në Komision do të jetë shkarkimi i Kryeshefes.

Ndryshe, Miradije Kelmendi, në gusht të vitit 2018 u emërua kryeshefe ekzekutive e IPK-së, në kohën kur Ministrinë e Punëve të Brendshme e udhëhiqte, Bejtush Gashi. Kujtojmë që ky institucion në të kaluarën ka pasur telashe. Para Kelmendit, në krye të Inspektoratit ishte Hilmi Mehmeti, por që u shkarkua për keq menaxhim nga ministri paraprak i Punëve të Brendshme, përkundër që kjo pozitë ka mandat prej pesë vitesh.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...