Edhe macja e egër mbrohet me ligj, të dyshuarin e pret dënimi - Bota Sot
Edhe macja e egër mbrohet me ligj, të dyshuarin e pret dënimi

Kosova

Edhe macja e egër mbrohet me ligj, të dyshuarin e pret dënimi

Më: 12 janar 2019 Në ora: 13:50
Macja e egër

Organizata ERA përmes një njoftimi për media ka sqaruar se kafsha e vrarë në Ferizaj nuk është rrëqebull, siç fillimisht ishte raportuar, por fjala është për një mace të egër, e cila poashtu është e mbrojtur me ligj.

Andaj për shkak të mbrojtjes që kjo kafshë gëzon nga ligji, personi përgjegjës mund të dënohet.

“Për shkak të interesimit të madh të publikut dhe pyetjeve të shumta që sot pranuam nga qytetar të shumtë lidhur me lajmin e vrasjes së Rrëqebullit në komunën e Ferizajt ju sqarojmë që lajmi i bujshëm mbi vrasjen e Rreqebullit nuk është i vërtetë. Pra është vrarë një mace e egër e jo Rrëqebull. Poashtu edhe macja e egër është e mbrojtur me ligjet e Republikës së Kosovës, vrasja e saj përbën vepër penale”, thuhet në njoftim.

Poashtu në tërë territorin e Republikës së Kosovës deri më tani prezenca e Rrëqebullit duke u bazuar në studime e kërkime intensive përgjatë shumë viteve të organizatës ERA është vërtetuar vetëm në Bjeshkët e Nemuna duke numëruar vetëm dy të tillë.

Rrëqebulli Ballkanik është shtazë e kërcënuar nga zhdukja. Hipotetikisht mendohet që në natyrë në planetin tonë të jenë 35 deri në 40 tillë.

Image
Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...