Gjykata Themelore në Pejë ka aprovuar kërkesën e Prokurorisë për caktimin e masës së paraburgimit ndaj të pandehurit S.SH, për shkak të dyshimit të bazuar se kanë blerë lopën e sëmurë, me qëllim që ta vejnë në qarkullim mishin.
Prokuroria thotë se më atë 16 janar, në fshatin Trestenik, Komuna Pejë, i pandehuri me inicialet S.Sh, së bashku me të pandehurin R e kanë blerë lopën e sëmurë nga i pandehuri M.B në shumë prej katërqind euro, me qëllim që ta vejnë në qarkullim mishin duke e ditur se është i sëmurë.
“Pas marrjes së informacionit policia shkon në bastisje në shtëpinë e të pandehurit dhe njoftojnë Inspektorët Komunal të Agjencisë së Ushqimit dhe Veterinarisë ku me atë rast konstatojnë se në shtëpinë e tij gjenden 1,089 kg mishra të përziera të cilat kanë qenë të destinuara për konsumim publik. Me këto veprime i pandehuri S.SH dyshohet se si bashkëkryes ka kryer veprën penale prodhimi dhe vënia në qarkullim e artikujve të dëmshëm ushqimor. Të pandehurit i është caktuar masa e paraburgimit në kohëzgjatje prej një muaji”, thuhet në një komunikatë të gjykatës.
Kundër këtij vendimi pala e pakënaqur ka të drejtë ankese në Gjykatën e Apelit.
