Komuna e Istogut: Nga nesër fillon mësimi, nuk ka grevë - Bota Sot
Komuna e Istogut: Nga nesër fillon mësimi, nuk ka grevë

Kosova

Komuna e Istogut: Nga nesër fillon mësimi, nuk ka grevë

Më: 22 janar 2019 Në ora: 18:05
Haki Rugova

Komuna e Istogut ka njoftuar se greva e mësimdhënësve, e cila ka nisur javën e kaluar, për shkak të pakënaqësive për koeficientin e punonjësve të arsimit të paraparë në Projektligjin për Paga, do të ndërpritet nesër.

Sipas një njoftimi të Komunës, ky qëndrim është marr pas një takimi mes kryetarit të Istogut, Haki Rugova, DKA-së dhe drejtorëve të shkollave të mesme dhe fillore.

“Gjatë takimit të sotëm të mbajtur në mes të kryetarit të Komunës Haki Rugova, drejtorit të Drejtorisë së Arsimit, Hajrush Shoshi, si dhe drejtorëve të shkollave të mesme dhe fillore të komunës së Istogut u arrit pajtueshmëria që procesi mësimor në komunën e Istogut duhet të rifillojë qysh nga nesër më 23.01.2019. Ky qëndrim unanim është arritur nga të pranishmit në mbledhje, marrë parasysh interesin e nxënësve në radhë të parë. Gjithashtu kryetari Rugova apeloi që mos te politizohet ngritja e pagave nga ana e SBAShK-ut pasi është duke e dëmtuar procesin mësimor në komunën e Istogut”, është thënë në njoftimin e Komunës së Istogut.

Kryetari i kësaj Komune, Haki Rugova tha për Kallxo.com se ky vendim është marrë për të mirën e nxënësve.

“Është bërë një apel për ndërprerje, unë s’kam marrë asnjë vendim por me drejtorët e shkollave njëzëri apeluam që për hir të nxënësve të fillojë mësimi, sepse po vuajnë nxënësit, po ka pasoja të mëdha”, tha Rugova.

Ndërsa, SBAShK-u përmes një njoftimi sot u ka bërë thirrje kryetarëve të komunave dhe DKA-ve që të mos u bëjnë presion mësimdhënësve për grevën.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...