Hoxha kërkon aplikimin e sheriatit në Kosovë: Polici të mbytet me gurë - Bota Sot
Hoxha kërkon aplikimin e sheriatit në Kosovë: Polici të mbytet me gurë

Kosova

Hoxha kërkon aplikimin e sheriatit në Kosovë: Polici të mbytet me gurë

Më: 8 shkurt 2019 Në ora: 20:02
Bedri Bytyqi

Imami i një xhamie në Rahovec, ka kërkuar aplikimin e ligjit të Sheriatit në Kosovë.

Bedri Bytyqi thotë se një ligj i tillë do të kishte ndikuar në ruajtjen e moralit në shoqërinë tonë.

Por, sipas Bytyqit, çka thotë sheriati për dënimin e burrit të martuar që kryen marrëdhënie seksuale jashtëmartesore.

“Për ata që janë të martuar, nëse bëjnë marrëdhënie jashtëmartesore dhe për këtë janë katër dëshmitarë, ata futen në dhe duke u goditur deri në vdekje”, tha ai në Frontal në T7.

Por për ata pa kurorë martesore?

“Ndërsa për ata jo të martuar vlen rrahja me 100 kamxhik”, shpjegoi Bytyqi.

Bytyqi është i bindur se nëse profesori Shkelzen Xhekaj dhe polici Vesel Veseli që dyshohet se abuzuan seksualisht me një 16 vjeçare shpallen fajtor, do të duhej të dënoheshin në këtë mënyrë.

“Absolutisht, nëse janë të fajshëm e meritojnë. Sikur sheriati të aplikohej në vendin tonë shumë gjëra do të ishin eliminuar; s’do kishe pasur hajni, prishje të moralit...”, thotë ai.

“Nëse janë fajtor, absolutisht. Nëse një rast dënohet të tjerët mësojnë”, shtoi Bytyqi.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...